Vónirnar vóru góðar hjá føroyska U17-manslandsliðnum, ið við sigri á Belgia kundi tryggja sær bólkasigurin í millumbólki 4 í European Open kappingini í Göteborg.
Tað gekk ikki heilt eftir ætlan. Dysturin móti aftasta liðnum í bólkinum endaði við javnleiki 21-21. Føroyar vóru á odda 14-12 í steðginum.
Lýðar í Dímun var í dag toppskjútti hjá Føroyum við seks málum.
Hetta er triði javnleikurin hjá Føroyum í kappingini. Sambært facebookvanganum hjá HSF var talan um lakasta dystin hjá Føroyum í kappingini higartil.
Litava og Føroyar enda bæði á átta stigum. Føroyar eru betur innanhýsis, og enda tí ovast í millumbólki 4.
Føroyar skulu nú spæla plasseringsdystir um endastøðurnar millum nummar níggju og nummar 14.
Málskjúttar: Lýðar í Dímun 6, Jákup Egholm 4, Magnus Árason 2, Fríði Holm í Innistovu 2, William Napoleon Djurhuus 2, Magnus Orri Rubek Carlsen 1, Torkil Sverri Debes Dahl 1, Helgi Jacob Halldórsson 1, Haraldur Karlsson 1.
Jákup Egholm er enn toppskjútti í kappingini við 48 málum. Tomas Bogosevicius úr Litava hevur skotið 47 mál.
