Ein seinnapartur eftir skúlatíð gjørdist øðrvísi enn aðrir dagar, tá drongurin Bjarne úr Bremen í Týsklandi var úti og spældi og fann ein silvurmynt, sum vísti seg at vera úr eina heilt øðrum tíðarskeiði.
Tann nú níggju ára gamli Bjarne má onkursvegna hava vitað, at hann stóð við onkrum heilt serligum í hondunum, tí myntin læt hann kanna hjá viðkomandi serfrøðingum, sum kundu staðfesta, at hann er 1800 ára gamal og frá rómverjatíðini.
Tað kom fram á tíðindafundi í gjár, sum Deildin fyri Fornfrøði í Bremen helt í gjár, skrivar týska tíðindastovan dpa.
Mynturin, sum er úr silvuri, varð stoyptur í Rómverjaríkinum, meðan Marcus Aurelisu var keisari. Marcus Aurelius var evsti leiðarin í Rómverjaríkinum frá árinum 161 til 180.
Silvurmynturin var longu funnin síðsta summar, men tað er ikki fyrr enn nú, at tað er greitt, hvør søgan er aftan fyri myntin.
– Vit vita, at hesin myntur er nakað serligt her í Bremen, segði statsfornfrøðingurin í Bremen, Uta Halle, á tíðindafundinum í gjár.
Hon vísti á, at hon veit um tveir aðrar slíkar myntir, sum eru funnir í Bremen, og at mynturin annars er funnin uttan fyri tað økið, sum fyri 1800 árum síðani var partur av Rómverjaríkinum.
Uta Halle gitir, at mynturin annaðhvørt er brúktur í handil við rómverjar, at ein rómverkur leiguhermaður átti hann, ell at hann hevur verið okkurt slag av souveniri, sum ein ferðandi hevur havt við sær úr Rómverjaríkinum.
##med2##
Tað er fyribils óvist, hvat verður gjørt við myntin.
Sambært Uta Halle er tað nakað, sum skal umrøðast við familjuna hjá Bjarne.
Sjálv vil fornfrøðingurin fegin hava rómverska lutin sýdna fram á Savinum fyri List og Listasøgu í Bremen. Og tað hugskotið heldur tann níggju ára gamli heldur ikki verða heilt burturvið.
– Um tað bara eri eg, ið síggi hann, er tað heldur keðiligt, segði Bjarne á tíðindafundinum.
/ritzau/dpa
