- Flestu partrolarapør eru til fiskiskap, men helst koma bara tvey teirra inn at landa mánadagin, og so koma nøkur pør aftrat, sum vikan gongur.
Tað vita tey á Fiskamarknaði Føroya at siga.
Tveir djúpvatnstrolarar fiska upsa og ein fiskar blálongu. Teir eru allir nýliga byrjaðir túr, og tí er ivasamt, um nakar teirra landar í vikuni sum kemur.
Væntandi fara nakrir djúpvatnstrolarar, sum hava ligið síðan fyri jóla-og nýggjárshalguna, út aftur, tá veðrið batnar.
Í gjár, tá Fiskamarknaður Føroya gjørdi sínar metingar fyri næstu viku, lógu allir teir smáu trolbátarnir. Teir fara eisini út aftur, tá veðrið batnar.
- Bara eitt garnaskip er á svartkalvaveiði, og teir koma helst inn at landa síðst í vikuni sum kemur, verður lagt aftrat.
