Tvey fólk, sum hava samband við bretsku sendistovuna í russiska høvuðsstaðnum, Moskva, hava fingið boð um at fara av landinum vegna ákærur um njósning.
Hetta upplýsir russiska fregnartænastan FSB, sambært almennu russisku tíðindastovuni Tass, skrivar Reuters.
Sambært FSB góvu teir báðir persónarnir tilvitað skeivar upplýsingar um seg sjálvar, tá teir komu inn í Russland. Sambært FSB eru "tekin um fregnartænastusabotaguarbeiði" funnin frá báðum einstaklingunum, skrivar Tass.
Tey bæði fólkini hava nú tvær vikur at fara úr Russlandi.
Í løtuni er eingin viðmerking úr Bretlandi.
/Ritzau/
