Gleðir tú teg at fáa summarfrí?
- Tað bylgist altíð nakað í mær, tá summarið nærkast. Gleðin at uppliva summarið, kappróður, fótbólt og annað.
Tað sigur Tummas Lervig.
Hvat fert tú at brúka summarfrítíðina til?
- Frítíðin verður brúkt heima á klettunum við at fríðka á matriklinum. Nakað av tíð verður helst eisini brúkt upp á KÍ.
Fert tú at ferðast – í Føroyum ella uttanlands?
- Vit fara eisini ein túr til Danmarkar at njóta tíðina í kolonihavanum hjá okkum.
Hvat søkir tú mest, tá tú ferðast – samveru, støð ella sól?
- Eg leggi stóran dent á samveruna og njóti hana saman við mínum børnum og abbabørnum, sigur Tummas Lervig.
