Nú eru trý lið jøvn í oddinum í bestu norðurmakedonsku fótbóltsdeildini við 58 stigum.
Tey trý liðini eru Shkendija, Struga og liðið hjá Jóan Símuni Edmundssyni, Shkupi.
Jóan Símun slapp ikki á vøllin í dag tá Shkupi á útivølli tapti 0-2 fyri Gostivar.
Struga tapti samstundis 2-3 fyri Tikves á útivølli, og tað dugdi Shkendija at gagnnýta við at vinna við at vinna 3-2 á Brera.
Nú bert trý umfør eru eftir hevur liðið hjá Jóan Símuni framvegis lagnuna í egnum hondum.
Komandi leygardag klokkan 16 tekur Shkupi móti Shkendija á heimavølli. Samstundis hevur Struga heimadyst móti Gostivar, ið vann á Shkupi í dag.
Á tí seinasta leikdegnum 19. mai spælir Shkupi á útivølli móti Struga.
