Amerikanski forsetin, Donald Trump, fer at vísa sína "anstygd" móti NATO í røðu síni í dag.
Tað segði hann í samrøðu við tíðindastovuna Reuters undan røðuni.
Hann sigur eisini, at hann "absolutt" umhugsar at taka USA úr vesturlendsku hernaðarsamgonguni.
Hini londini í NATO hava ikki stuðlað nóg nógv USA í Iran, heldur hann.
Hvítu Húsini hava boðað frá, at Trump fer at halda røðu fyri amerikansku tjóðini mikukvøldið lokala tíð. Hon fer at innihalda ein týðandi boðskap um Iran, stendur í henni.
Røðan verður klokkan 02:00 hósnáttina okkara tíð.
Seinastu dagarnar hevur Trump funnist enn meira at vesturlendsku hernaðarsamgonguni NATO.
Í samrøðu við bretska miðilin The Telegraph mikudagin segði hann eisini við Reuters, at hann umhugsar at taka USA úr NATO.
– Eg havi ongantíð verið sannførdur um NATO. Eg havi altíð vitað, at talan var um ein pappírstikari, og tað veit Putin eisini, segði hann við fjølmiðlarnar og vísti til russiska forsetan.
Hetta er tó langt frá fyrstu ferð, at Trump hevur lagt eftir NATO.
Í sínum fyrsta valskeiði kritiseraði hann ofta, at NATO-sambandeind hjá USA ikki høvdu nóg stórar verjuútreiðslur í mun til málini hjá NATO. Hann helt, at onnur lond nýttu trygdina, sum samstarvið við USA gav teimum til at gjalda minni. Síðani hava nógv lond økt munandi um verjuútreiðslurnar.
Sambært Reuters hava serfrøðingar leingi ávarað um, at eitthvørt signal, sum USA sendir um ikki at vilja verja NATO - til dømis um álop frá Russlandi ella øðrum - av álvara viknar samstarvið.
Hetta er eisini galdandi, sjálvt um amerikanski forsetin, Donald Trump, ikki skuldi tikið USA heilt úr NATO.
Kongressin samtykti í 2023 lóggávu, sum skuldi krevja, at Trump antin hevði tveir triðingar av meirilutanum í senatinum ella samtykt frá kongressini at taka USA úr NATO.
Men løgfrøðiliga grundarlagið hjá forsetanum er “langt frá trygt”, sigur Ilaria Di Gioia, lektari í amerikanskari lóg á universitetinum í Birmingham, í einum telduposti til Time Magazine.
– Trump kundi roynt at umganga lógarbundnu avmarkingarnar hjá kongressini við at nýta uttanríkispolitisku heimildirnar hjá forsetanum - ein tilgongd, sum hann áður hevur umhugsað at umganga avmarkingarnar hjá kongressini um sáttmálaafturtøku, skrivar hon.
/Ritzau/
