Amerikanski forsetin, Donald Trump, fer at seta kjarnorkukavbátar nærhendis Russlandi eftir útsagnir frá fyrrverandi russiska forsetanum, Dmitrij Medvedev.
Hetta skrivar hann á Truth Social.
Medvedev er komin við fleiri hóttanum undir krígnum í Ukraina, eitt nú um ein triðja heimsbardaga og russisk kjarnorkuvápn.
Sambært norsku tíðindastovuni NTB vísir Trump í sínum uppslagi til boð um X frá Medvedev, sum er næstformaður í russiska trygdarráðnum.
- Eg havi skipað fyri, at tveir kjarnorkukavbátar verða settir á hóskandi økir, bara fyri at hesar ørkymlandi og provokerandi útsagnir eru meira enn bara útsagnir.
- Orð hava stóran týdning og kunnu ofta elva til ótilætlaðar avleiðingar, skrivar Trump á sínum sosiala miðli Truth Social.
Í uppslagnum á X ljóðaði millum annað frá Medvedev:
- Trump spælir ultimatumspælið við Russland. Hvørt nýtt ultimatum er ein hóttan og eitt stig móti kríggi. Ikki millum Russland og Ukraina, men móti sínum egna landi, skrivaði Medvedev.
/Ritzau/
