Donald Trump og amerikanska stjórnin ætla at taka aftur fyribils uppihaldsloyvi hjá 240.000 ukrainskum flóttafólkum í USA.
Tað upplýsir tíðindastovan Reuters.
Teir mongu ukrainararnir flýddu til USA eftir innrásina hjá Russlandi í Ukraina fyri meira enn trimum árum síðani.
Ætlanin hjá Trump at steðga uppihaldsloyvinum er liður í einum størri átaki hjá forsetanum móti flóttafólkum í USA.
Trump-stjórnin ætlar at taka burtur lógarstøðuna hjá meira enn 1,8 milliónum tilflytarum, skrivar Reuters.
Tey fingu øll loyvi at vera verandi í USA undir fyribils humaniterum tiltøkum, sum vóru sett í verk í tíðini, tá Joe Biden var amerikanskur forseti.
Endaliga avgerðin verður væntandi undirskrivað í apríl, stendur í fráboðanini.
Umframt teir 240.000 ukrainararnar er ætlanin, at eisini 530.000 flóttafólk úr Kuba, Haiti og Venesuela skulu missa bústaðarrættin í USA.
Tað sama kann fáa avleiðingar fyri 70.000 afganar, sum flýddu til USA, eftir at Taliban tók yvir Afghanistan fyri fýra árum síðani.
/Ritzau/
