Statoil kunngjørdi seinnapartin, at tað nú er staðfest, at í hvussu er tríggir norðmenn doyðu í yvirgangsálopinum á gassverkið In Aménas í Algeria.
Fyrr í dag kunngjørdi Statoil, at tann 58 ára gamli Tore Bech og tann 35 ára gamli Thomas Snekkevik vóru funnir deyðir, og nú sigur felagið, at tann 55 ára gamli Hans M. Bjone (myndin) er eisini funnin deyður.
Leitað verður eftir teimum báðum seinastu norðmonnunum, sum hava verið saknaðir síðani yvirgangsálopið.
