Norðmaðurin Arne Treholt, sum bleiv dømdur fyri at hava njósnast fyri gamla Sovjetsamveldið, hevur ligið við ongum viti teir seinastu dagarnar.
Tey seinastu árini hevur Arne Treholt búð á Kýpros, og í síðstu viku varð hann í skundi fluttur á eitt sjúkrahús har. Verji hansara, Harald Stabell, visti av ongum, tá hann kom til Kýpros mánadagin, men hann sigur seg hava skilt, at Treholt hevur fingið blóðeitran, men at læknarnir duga ikki at finna orsøkina. Tá verjin kom, umhugsaðu læknarnir at sløkkja andingartólið, sum Treholt liggur við, men tað bleiv kortini ikki gjørt, skrivar ANB.
Ørindini hjá verjanum vóru annars at tosa við Arna Treholt, tí teir ætlaðu sær at biðja norska dómsvaldið viðgera njósningarmnálið upp av nýggjum. Men fyribils verður einki gjørt við tað.
