Tjóðveldið fær fimm fólk í tingbólkin, sum ikki vórðu vald á valinum 19. januar. Javnaðarflokkurin fær trý nýggj fólk í sín tingbólk og Miðflokkurin eitt
At Jóannes Eidesgaard verður løgmaður, og at Karsten Hansen verður fíggjarmálaráðharri, er tað einasta sum liggur heilt fast. Tað liggur eisini í kortunum, Hans Pauli Strøm heldur fram sum landsstýrismaður í almanna- og heilsumálum.
Triðja umboðið hjá Javnaðarflokkinum í landsstýrinum verður helst Helena Dam á Neystabø, sum verður landsstýriskvinna í løgmálum. Ein annar møguleiki er, at tað verður Eyðgunn Samuelsen, men eygleiðarar vilja vera við, at tað verður Helena Dam á Neystabø, og at Eyðgunn Samuelsen verður forkvinna í fíggjarnevndini.
Heilt vist er, at Høgni Hoydal verður landsstýrismaður í uttanríkismálum. Síðani verður mett, at Tórbjørn Jacobsen verður landsstýrismaður í fiski- og tilfeingismálum, meðan Bjørt Samuelsen og Olga Biskopstø verða landsstýriskvinnur í ávikavist vinnu- og mentamálum.
Aðrir møguleikar, sum verða nevndir er, at Heini O. Heinesen verður fiski- og tilfeingismálaráðharri og Heidi Petersen mentamálaráðharri.
Tað verða í øllum førum stórar broytingar í tingbólkunum, tá flokkarnir skulu brúka so nógv fólk í landsstýrinum. Av tí at Annita á Fríðriksmørk skjótt skal í barnsburðarfarloyvi, og at Tjóðveldið hevur annan fólkatingsessein, verður neyðugt hjá Tjóðveldinum at fara heilt niður á 14. pláss á listanum eftir fólki.
Tingbólkurin hjá Tjóðveldinum komandi mánaðirnar verður tí hesin:
Bergtóra Høgnadóttir Joensen
Heini O. Heinesen
Hergeir Nielsen
Páll á Reynatúgvu
Heidi Petersen
Finnur Helmsdal
Olaf í Garði Joensen
Óluvá Klettskarð
Sjúrður Skaale verður fólkatingsmaður meðan Annita á Fríðriksmørk er í barnsburðarfarloyvi ? tað kann vera upp til eitt ár. Viðmerkjast skal tó, at Sjúrður Skaale uttan iva verður partur av tingmanningini hetta tíðarskeið, men má javnan hava farloyvi tá hann er í Fólkatinginum, og tá verður tað Óluvá Klettskarð í Klaksvík, sum tekur sæti á tingi.
Andrias Petersen og Eyðgunn Samuelsen hava longu tigið sæti á tingi fyri Jóannes Eidesgaard og Hans Paula Strøm. Tá Helena Dam á Neystabø ? ella Eyðgunn Samuelsen ? fer í landsstýrið, kemur Mikkjal Sørensen í Porkeri á ting. Hann hevur fleiri ferðir áður havt sæti á tingi.
Fyri Karsten Hansen í Miðflokkinum tekur Tordur Niclasen aftur sæti á tingi eftir tíggju ár uttan fyri tinggátt.
Verður hetta úrslitið, vit her hava nevnt, verða ting- og landsstýrisbólkarnir hjá flokkunum hesir:
Javnaðarflokkurin:
Jóannes Eidesgaard, løgmaður
Hans Pauli Strøm, almanna- og heilsumálaráðharri
Helena Dam á Neystabø, løgmálaráðharri
Tingbólkurin:
John Johannessen
Gerhard Lognberg
Katrin Dahl Jakobsen
Andrias Petersen
Eyðgunn Samuelsen
Mikkjal Sørensen
Tjóðveldisflokkurin:
Høgni Hoydal, uttanríkisráðharri
Tórbjørn Jaocbsen, fiski- og tilfeingisráðharri
Bjørt Samuelsen, vinnumálaráðharri
Olga Biskopstø, mentamálaráðharri
Fólkatingsumboð:
Sjúrður Skaale (meðan Annita á Fríðriksmørk er í farloyvi)
Tingbólkurin:
Bergtóra Høgnadóttir Joensen
Heini O. Heinesen
Hergeir Nielsen
Páll á Reynatúgvu
Heidi Petersen
Finnur Helmsdal
Olaf í Garði Joensen
Óluva Klettskarð (meðan Sjúrður Skaale er á fólkatingi)
(Tá Annita á Fríðriksmørk aftur tekur sæti á løgtingi og fólkatingi, verður Olaf í Garði Joensen tann, sum kemur at renna út og inn sum eykatingmaður fyri fólkatingskvinnuna)
Miðflokkurin:
Karsten Hansen, fíggjarmálaráðharri
Tingbólkurin:
Jenis av Rana
Bill Justinussen
Tordur J. Niclasen
