- Partrolararnir hava brúkiligan upsafiskiskap, men teir fáa lítið og einki av hjáveiði. Skipini koma inn at landa, sum næsta vika gongur. Trý partrolarapør fiska gulllaks.
Tað siga tey á Fiskamarknaði Føroya í dag. Lagt verður aftrat, at allir djúpvatnstrolararnir liggja, men væntandi fara teir út aftur í næstum.
- Tríggir trolbátar eru á landleiðini, og teir koma allir inn at landa mánadagin. Trolbátarnir hava eina blanding av toski, hýsu, havtasku, tungu og reyðsprøku. Teir trolbátar, sum liggja, fara væntandi út aftur um vikuskiftið.
Á Fiskamarknaði Føroya vita tey eisini at siga, at eitt garnaskip fiskar svartkalva og kemur helst inn at landa síðst í næstu viku. Eitt skip fiskar havtasku, og eitt garnaskip er á beding.
.
