Fleiri av stóru ensku feløgunum hava fingið sær fjepparafeløg í Føroyum, og líkt er til, at fyrsta stigið til eitt Tottenham-fjepparafelag verður tikið sunnudagin.
Í øllum førum hava nakrir Tottenham-fjepparar sent boð kring landið um, at fólk, sum stuðla Tottenham, eru vælkomin í Bowlinghøllina sunnudagin.
Tá spæla Tottenham og Chelsea finaluna í Carling Cup, og dysturin verður vístur á stórskíggja klokkan 15.00. Ein tíma áðrenn ætla Tottenham-viðhaldsfólkini at hittast í Bowlinghøllini.
