Uppskotið um at skerja blokkin átti eingin annar enn Karsten Hansen, sum nú er tingmaður hjá Miðflokkinum!
Jenis vil yvirtaka, men ikki gjalda
Jenis av Rana roynir í blaðgrein at forsvara, at hann atkvøddi fyri yvirtøkum, sum komu at kosta 366 mió kr. í blokkniðurskurði, men tá uppskotið um at skerja blokkin, sum var prísurin fyri yvitøkunum, kom, atkvøddi hann ímóti. Fall uppskotið, var ongin yvirtøka – so einfalt er tað!
Og nú trínur Bill Justinussen eisini fram í blaðgrein og forsvarar Jenis. Men hann sigur, at vit føringar skulu gjalda okkara egnu rokningar.
Miðflokkurin gongur í trimum
Altso átti ein núverandi miðflokkatingmaður uppskotið um blokkniðurskurð. Annar atkvøddi fyri at yvirtaka, hóast hann visti, at tað kostaði 366 mió. kr. í blokkniðurskurði, men atkvøddi ímóti at gjalda. Og tann triði sigur, at vit skulu gjalda sjálvi.
Heldur Miðflokkurin føringar vera býttar?
Álvaratos, argumentatiónin er høpisleys. Hetta er at blaka torvmold í eyguni á føringinum.
Heldur Miðflokkurin føringar vera býttar?
