Á býráðsfundi í gjár samtykti Tórshavnar býráð byggiskránna til tann
nýggja Skúlan á Fløtum, sum verður størsti barnaskúli í kommununi og annars
verður ein tann størsta íløtan hjá Tórshavnar býráð yvirhøvur.
Skúlin skal kosta 350 milliónir krónur at byggja, og hann verður tikin í
brúk í trimum stigum í 2018, 19 og 20, tá hann hýsir næmingum frá fyrsta
til níggjunda flokk, umframt forskúla og frítíðarskúla.
Kapping um at tekna og sniðgeva skúlan verður skrivað út nú og skal vera
liðug 18. desember og fyrst í januar verður besta projektið valt út.
Hóast hetta kann ljóða sum ein trong tíðarætlan til eina so stóra og
umfatandi verkætlan, hevur Helena Dam á Neystabø, forkvinna í
mentanarnevndini hjá Tórshavnar býráð, góðar vónir um, at ásetta tíðin fer
at halda.
Hoyr samrøðu við Helenu Dam á Neystabø við at trýsta á pílin undir myndini.
