Fýra dystir í fjúrtanda umfari í næstbestu deildini vera seinnapartin. Fyrsti dysturin var í gjárkvøldið, tá ið KÍ vitjaði í Runavík. Klaksvíkingar vunnu 2-0, og fyri sigurin fingu teir í góðveðrinum við Løkin handað steyp, tí tað hetta vikuskiftið er stevna á eystara armi á Skálafjørðinum.
Steffan Kalsø setti hol á, tá ið eitt lítið korter var farið, og Eivindur Sørensen skoraði seinna málið tíggju minuttir eftir steðgin.
Klokkan 15.00 verður toppdystur á Dungasandi í Sørvági. 07 Vestur fær vitjan av EB/Streymi. Felags fyri hesi liðini er, at tey eru stórfavorittar at vinna uppflyting, og at tey ikki hava tapt higartil í ár. Tá ið tey fyrsta mai hittust við Margáir, var úrslitið 1-1.
Á Argjum fær botnliðið vitjan av FC Suðuroy, sum vann 5-0, tá ið liðini hittust á Vágseiði, og í Gundadali spæla HB og Víkingur um sjeynda plássið. Víkingur vann 1-0, tá ið liðini hittust í Leirvík.
Giaza Hoyvík hevur við sigri á útivølli ímóti B71 møguleika at vinna seg fram aftur á brosnuplássið. Tá ið liðini hittust í Gundadali vann heimaliðið 4-1.
Í dag
07 Vestur-EB/Streymur: Ransin N. Djurhuus kl. 15.00
HB-Víkingur: Rúni Olsen kl. 15.00
AB-FC Suðuroy: Súni Fríði Barbá kl. 13.45
B71-Giza Hoyvík: Janus Fossdalsá kl. 15.30
Fríggjdagin
NSÍ-KÍ 0-2 (0-1)
0-1: Steffan Kalsø 12.
0-2: Eivindur Sørensen 56.
EB/Streymur 35
07 Vestur 35
NSÍ 24
Giza Hoyvík 21
KÍ 21
FC Suðuroy 19
HB 13
Víkingur 13
B71 6
AB 5
FC Suðuroy og B71 hava spælt tólv dystir, NSÍ hevur spælt fimtan dystir, KÍ og HB hava spælt fjúrtan dystir, og hini liðini hava spælt trettan dystir.
