Útlendingamálið - ein peruvellingur!

Jákup á Stongum, F0-380 Sørvágur
···
Útlendingamálið er ein peru­vellingur, og eg havi ongan áhuga í at blanda nøkur følils­ir inn í málið.
Hjá mær er tað ítrótturin tað hevur snúð seg um. Tað sum er stungið út kortið her hjá okkum, hevur borið framá. Men teir sokallaðu politisku karmarnir, gera alt totalt ómøguligt.
Í løtuni liggur landið so­leiðis - nú tosa vit um flog­bólt - at nøkur av feløgunum hava útlendingar uppá longt ar­beiðsloyvið, hesir eru bí­ligari fyri felagið. Onnur royna seg við sokallaðum ítrótt­ar-arbeiðsloyvi, sum er væl dýrari, og onnur hava givið skarvin yvir.
Soleiðis deilir INLMR grøn, gul og reyð kort út mill­um feløgini og tað hevur verið og er framvegis trupult at síggja hvørjum reglum spælt verður eftir. Millum út­lendingar er tí vanligt at spyrja: Hví sleppur hann/hon tá ið eg ikki sleppi?
Stórstu nøsina eigur løg­tingið sjálvt. Har er aft­ur og aftur sagt, at teir út­lend­ing­ar­nir sum eru her, skulu sleppa at verða verðandi. Hetta er avgjørt stórsta orsøkin til at man í dag stendur sum Kánus. Løgtingið sjálvt hevur tí - í den grad - viðvirka til at hampa­fólk nú verða ákærd av politinum.
Tað kanska mest áhuga­verda er at henda støða løg­tingsmanna er - um nakað - merkt av følilsum, heldur enn av konstruktivum út­lend­ingapolitikki.
Tað at alt kortini ikki er so svart hvítt sum tey lóg­kønu vilja gera tað til, eru treytirnar í tí sonevnda Ítróttar-arbeiðsloyvinum. Her skulu feløgini gjalda 52% og ein -ella fleiri?-ar­beiðsgevarar skulu gjalda 48%.
Hendan avtalan sýnir at tað ber til at broyta fortreytirnar, men góð er hon ikki.
Er neyðugt við eini ser­skip­an, eigur gjaldið hjá ítrótt­arfelagnum at verða minn­ið, kanska eini 5-til- 6000,-kr.
Annars skal við loyvinum til ítróttarfelagið fylgja rætt­urin til at arbeiðja frítt í hes­um landinum, eisini hjá hjúnafelagað.
Treytin fyri árligari end­urnýggjan av loyvinum kann vera at viðkomandi, sakt­ans saman við ein­um hjúnafelaga, hava forvunnið ávísa minstupphædd til dagligdagin. Ongin av­mark­ing eigur at vera hvussu stór inntøkan kann verða.
Í flestu ítróttargreinum er sett avmarkað tal av leikandi útlendingum. Er neyðugt við fleiri avmarkingum kann kvota setast á samsvarandi hesum.
Annars haldi eg at tað vóru skipaði viðurskifti á økinum inntil innlendismálaráðið legði seg uppí. Tá vistu vit hvørjar spælireglurnar vóru, nú er alt fløkt.
At arbeiðsloysi skal verða stóri trupuleikin er mót­prógvað tá arbeiðsgevarar ikki fáa fólk frá ALS tá biði verður um tað.
Eg meini bara at tað ræð­ur um at halda seg til veruleikan og ikki til eina fantasiverð.
Onkursvegna livir INLMR í eini fantasiverð sum onki hevur við virkuliga lívið at gera. At vurdera um eitt arbeiðið er skikka ella ósjkkka - den ene eller den anden vej - brýtur onga lóg!
(Her kann leggjast afturat at nakrir av útlendingunum kundu ynskt eitt pausuár heima hjá familjuni, men teir tora ikki tí so sleppa teir ikki inn aftur í hetta landið)