– Í dag lata vit aftur eina whisky úr hondum. Hesaferð er talan um eina samanseting av átta ymiskum tunnum, skrivar Einar's Distillery í tíðindaskrivi.
– Seks 90 litra Oloroso sherrytunnur, ein 190 litra Bourbon barrel, og ein 50 litra Oloroso sherrytunna. Úrslitið er ein frálík fløska við 52% styrki, skriva tey.
Hugskotið til hesa fyrstu útgávuna í nýggjari røð er sprottið úr árstíðini, ið gerst alt ljósari. Tjaldrið og litirnir á vakra tjóðfulgi okkara, ið er komin heim á klettarnar aftur. Hvíti liturin frá bourbon tunnuni, reyði liturin frá sherry fatinum, og so hendan eina tunnan, ið var sera myrk á liti, næstan svørt. 1.600 fløskur komu burturúr hesi tappingini. Edward Fuglø, listamaður, hevur myndprýtt komandi útgávuna.
Smaksnoturnar í tí whisky, ið nú kemur, eru:
Color: Auburn
Nose: Lemon custard, forest fruits, chamomile, eucalyptus and red liquorice
Taste: Chocolate milk, honey, key lime pie, tropical fruits and vanilla
Finish: Walnuts, tannins, malt and dark chocolate
Einar´s Whisky – Tjaldursútgávan fæst til keyps í Rúsdrekkasølunum kring landið, í Duty Free á Flogvøllinum og handlinum á Norrönu.
