Í Bretlandi eru fleiri fuglafløg friðað, og eitt teirra er tjaldrið. Tí gav tað fyrireikarunum av einari aliráðstevnu í Skotlandi nógv høvuðsbrýggj, tá tað vísti seg, at eitt tjaldur hevði vorpið á staðnum, har teir skulu halda ráðstevnu.
Eftir ætlanini skuldi eitt tjald standa á staðnum, har tjaldrið hevði vorpið. Framsýningin kundi ikki flytast til annað stað, tí stundir vóru ikki til tess, og tí var vandi fyri, at alt tiltakið fór fyri bakka.
Men í seinastu løtu eydnaðist tað fyrireikarunum at fáa eina avtalu við kongaliga fuglafriðingarfelagið í Bretlandi um, at reiðrið kundi flytast 10 metrar, men við størsta varsemi.
