Okkara tjóðfuglur er hóttur, tí reyðmaðkurin er um at hvørva. -Tjaldrið er ein hóttur fuglur, tí føðin hjá tjóðfuglinum, reyðmaðkurin, er um at hvørva, sigur Janus Hansen, lívfrøðingur, við Útvarpið.
Grækarismessa er í dag, og um alt landið verður hátíðarhildið, at tjóðfuglurin kemur aftur til landið. Men sambært lívfrøðinginum eru útlitini ikki góð.
-Vandi er fyri, at tjøldrini í stóran mun fara at fækkast, sigur Janus Hansen.
