- Lógaruppskotið verður lagt fyri Løgtingið í seinasta lagi á ólavsøku 2016.
Orðingin í samgonguskjalinum endurspeglaði tað bjartskygni, ið valdaði, tá CEF-samgongan tók við um miðjan september.
Ásannast má tó, at fýra mánaðir er ein long tíð í politikki, tí tá Høgni Hoydal, fiskimálaráðharri, bjóðaði til tíðindafund í Fiskimálaráðnum í morgun, staðfesti hann millum annað, at lyftið frá samgonguskjalinum ikki fór at halda.
- Nevndin skal vera liðug við arbeiði sítt 1. august 2016. Tað vil siga, at fyrst tá byrjar politisku samráðingarnar, segði fiskimálaráðharrin á tíðindafundi fyri løtu síðani.
Harvið er enn ógreitt, nær eitt lógaruppskot verður lagt fyri Løgtingið.
