Elias Ellefsen á Skipagøtu og liðfelagarnir í THW Kiel spældu í kvøld á útivølli móti Eisenach í dysti í týsku bundesliguni.
Kiel vann greiðan 40-32 sigur. Kiel var á odda 22-19 á steðginum.
Elias skoraði tvey mál.
Kiel er fjórðfremst í deildini við 24 stigum, bert tveimum stigum færri enn Magdeburg og Füchse Berlin, ið hava 26 stig í part.
Komandi mikukvøld klokkan 19.30 tekur Kiel móti Hannover Burgdorf í dysti á heimavølli í bundesliguni.
