Í dag fær Norðstreymoyar valdømi ein nýggjan tingmann.
Tað er Tummas Arabo, sum í eina viku skal avloysa Hans Paula Strøm, meðan hesin er uttanlands í arbeiðsørindum.
Og Tummas kemur beint í kjakið um løgmansrøðuna.
Anfinn Kallsberg helt fyri knappari viku síðan sína fyrstu løgmansrøðu, og í dag skal hon viðgerast á tingi.
Vit hava spurt Tummas Arabo, hvat hann fer at leggja seg eftir.
? Eg ætli mær at hyggj eftir oljumálum, fyrst og fremst, saman við tjóðskaparmálinum.
? Alt tos um sjálvstýri byggir á forvæntningar til eina framtíðar oljuvinnu, og tí ætli eg mær at hyggja at tí.
Men Tummas ætlar sær eisini at hyggja eftir samferðslumálunum og tað er meira av lokalum áhuga.
? Tað tykir mær, at allir hava gloymt vallyfti síni, men tað havi eg ikki.
? Eg haldi tað er neyðugt við eini raðfesting av samferðsluíløgunum, so at vit m. a. kunnu skapa umstøður fyri teimum smærri bygdunum.
? Her hugsið eg serliga um Tjørnuvík og tað er neyðugt, at ein tunnil verður gjørdur fyri at betra um bústaðarumstøðurnar har, sigur Tummas Arabo at enda.
