Kúlustevnið tók, tá Bakur sigldi á Eystnes. Tá skipið hevð'i lagt at í Runavík, komu menn eftir, at sjógvur var komin í forpeakin, og tá skipið bleiv tikið upp á bedingina á Skála fríggjadagin, varð staðfest, at hol var komið á kúluna. Holið er fremst á kúluni, og haðani var sjógvur komin inn í forpeakin.
Skipasmiðjan skal nú skifta pláturnar á kúlustevninum, og arbeiðið fer ætlandi at taka einar 14 dagar.
Meðan Bakur stendur á beding, er Stelkur farin at partrola saman við Munki.
Skiparin á Baki hevur greitt løgregluni frá, at hann sovnaði á brúnni, áðrenn skipið fór á land. Teir vóru á veg inn á Runavík at landa.
