Fyri veður siglir Teistin seinasta túrin úr Skopun í kvøld klokkan 18.30 og av Gomlurætt klokkan 19.15.
Ivasamt er eisini, hvussu verður við siglingini eftir klokkan 09 í morgin. Líkt er nevniliga til, at illsliga veðrið eisini kann fara at ávirka siglingina í morgin.
Strandfaraskip Landsins siga á síni heimasíðu, at vegna vánaligar veðurforsagnir kunnu møguligar avlýsingar verða hjá Teistanum eftir klokkan 09, mikudagin 10. desember.
Teistin sigldi heldur ikki báðar teir fyrstu túrarnar í morgun.
Sambært ferðaætlanini skuldi skipið fara úr Skopun klokkan 06.45 og klokkan 08.10, men loyst varð ikki í Skopun fyrr enn klokkan 10.30 í morgun.
