Greenpeace siga, at teir hava funnið insekt- og soppaeitur í meiri enn níggju av tíggju tevørum, millum annað frá Lipton, Tetley og Twinings.
Tað er okkurt sum bendir á, at te við uppruna í India, av merkjum sum Twinings og Lipton, innihalda nógv meiri týningarevni enn hvat loyvt er. Hetta er millum annað galdandi í væl umtóktum vørum sum Lipton Yellow Label og Twinings English Breakfast.
Í eini kanning av 46 ymiskum vørum frá ymiskum teplantasjum, funnu Greenpeace ólóglig týningarevni í 29 av teimum. Teir funnu eisini insekttýningarevni DDT í 33 av teimum 46 vørunum. Sambært Greenpeace hevur DDT verið forboðið í Danmark síðani 1969 og í India síðani 1989. Men verður altso eyðsæð brúkt á ávísum teplantasjum enn.
Eitt annað evni, sum var funnið í teposunum, er monocrotophos, sum er sera eitrandi, og er undir illgruna fyri at leiða til nervaskaða hjá fólki.
Sambært Greenpeace hava flestu te-framleiðararnir tikið kanningina til sín og hava lovað at gera eina meiri umfatandi kanning, umframt at betra um arbeiði við at sleppa undan at nýta týningarevni yvirhøvur í teframleiðsluni.
