Býráðið í Eysturkommunu hevur samtykt at byggja út spæliplássið í skúlanum við Gøtugjógv. Tilsamans eru 1,5 miljónir krónur játtaðar til arbeiðið.
Verkætlanin kemur at hava við sær munandi betri umstøður til børn í og eftir skúlatíð við fleiri nýggjum leikum.
Á viðheftu mynd fæst ein lýsing av, hvat verður á nýggja spæliplássinum. Aftrat hesum skulu ljósmastrar setast upp, fundament stoypast, gummibelegningur leggjast omaná, og rundan um verða kantsteinar og asfalt.
- Nýggja spæliplássið verður 650 fermetrar til stórt, og tað verður fyritøkan Blika, sum kemur at standa fyri arbeiðnum, vita tey í Eysturkommunu at siga.
