Trý føroyingalið vóru í leiki í bestu donsku hondbóltsdeildini í kvøld, og lá einki stig eftir tá dystirnir vóru loknir.

Jana Mittún og liðfelagarnir í Viborg tóku á heimavølli móti Ikast-Herning. 

Ikast-Herning vann málríkan stórsigur 42-32. Í steðginum var útliðið á odda 19-15.

Jana skoraði trý mál og legði upp til trý mál hjá Viborg.

Rakul Wardum og liðfelgarnir í Ringkøbing taptu á útivølli 30-35 fyri Horsens. Í fyrra hálvleiki var Horsens greitt omaná, og var heimaliðið greitt á odda 16-9 í steðginum. Ringkøbing avrikaði betri í seinna hálvleiki, og vann seinna hálvleik 21-19.

Rakul bjargaði átta av 30 málroyndum, meðan kappingarneytin, Ida Vium bjargaði fýra av 16 málroyndum.

Súna K. Hansen og liðfelagarnir í Ajax taptu í kvøld dyst nummar 20 av 20 møguligum í deildini.

Í kvøld bleiv talan um eitt greitt 17-26 tap fyri Aarhus á útivølli. Í steðginum var heimaliðið á odda 14-9.

Súna skoraði tvey mál og legði upp til tvey mál. 

Tað eru bert seks dystir eftir í grundspælinum, og Ajax hevur átta stig upp til næstaftasta plássið fyri at sleppa undan niðurflyting. 

Komandi mikukvøld tekur Ajax móti Keypmannahavn, ið hevur Pernille Brandenborg á liðnum. Sama kvøld spælir Viborg grannauppgerð móti Silkeborg-Voel á útivølli. Tað kvøldið hevur Ringkøbing dyst á heimavølli móti Aarhus.

Støðan: