Vestmanna: Í talvfelagnum í Vestmanna hugsa tey ikki bert um talv. Men eisini um tónleik. Tí hevur felagið ætlanir um at skipa fyri einum stórum country-festivali í bygdini í døgunum 16. til 18. september. Til hetta stóra tiltakið krevst sjálvandi peningur og stuðul. Felagið hevur tí í hesum sambandi vent sær til bygdaráðið við eini umsókn um stuðul til tiltakið, m.a. til leigu av ítróttarhøllini. Í eini umsókn, sum bygdaráðið skal taka støðu til á fundi týsdagin, verður somuleiðis biðið um loyvi at brúka økið innanfyri brandstøðina til parkering av campingvognum. Fíggjarnevndin í bygdaráðnum hevur havt málið til viðgerð, og nú skal bygdaráðið so taka avgerð í hesum málinum.
