Tað er summar, men tað er einki summarveður.
Vit hava havt regn, og vit hava havt vind - og nokso nógvan vind í løtum seinastu dagarnar.
Soleiðis var eisini síðstu nátt, og í morgun er eisini frískur vindur vestaneftir.
Vaktleiðarin á løgreglustøðini í Havn sigur í morgun, at tað hevur verið stak friðarligt seinasta samdøgrið.
- Her hevur einki verið av nøkrum, sum hevur almennan áhuga.
Tá vindur er um summarið hendir viðhvørt, at onkur trampolin lyftir sær á og fer sín veg.
- Men, tað er ikki so frægt, at vit hava fingið fráboðan um nakra trampolin, sum er fokin, sigur vaktleiðarin.
