Í dag, 24. august, eru 35 ár liðin, síðan Ukraina lýsti seg sum sjálvstøðugt ríki í 1991.
Í hesum sambandi varð ukrainski tjóðardagurin markeraður á Christiansborg í Keypmannahavn í morgun.
Millum teirra, sum vóru við til hátíðarhaldið, vóru Andrii Yanevskyi, sendiharri Ukraina í Danmark, Søren Gade, formaður í Fólkatinginum, og Troels Lund Poulsen, formaður í Vinstra. Hetta sæst eisini á myndunum frá Ritzau Scanpix frá hátíðarhaldinum.
Ukraina lýsti seg sjálvstøðugt frá Sovjetsamveldinum 24. august 1991. Danmark viðurkendi Ukraina sum sjálvstøðugt ríki 31. desember sama ár, og londini stovnaðu diplomatiskt samband í februar 1992.
Tjóðardagurin verður í ár aftur hildin, meðan Ukraina er í kríggi eftir russisku fullskalainnrásina, sum byrjaði 24. februar 2022. Fólkatingið hevur eisini fleiri ferðir seinastu árini brúkt Christiansborg til at vísa sín stuðul til Ukraina. Í februar í ár varð fýra ára dagurin fyri russisku innrásini markeraður við gudstænastu og øðrum tiltøkum.
##med2##
##med3##
##med4##
##med5##
##med6##
