Liðini hjá Patriki Johannesen og Gunnari Vatnhamar, Breiðablik og Víkingur Reykjavík spældu í kvøld oddadyst í bestu íslendsku fótbóltsdeildini á Kópavogsvøllinum.
Gunnar spældi allan dystin fyri Víking, meðan Patrik var á vøllinum fyri Breiðablik seinastu 12 minuttirnar av dystinum.
Jason Daði Svanþórsson legði Breiðablik á odda 1-0 í 77. minutti, men í tíðini dómarin hevði lagt aftrat javnaði Gísli Gottskálk Þórðarson fyri Víking, ið sostatt helt fjarstøðuna í oddinum í deildini.
Komandi sunnukvøld klokkan 18 tekur Víkingur Reykjavík móti Fylkir á heimavølli. Sama kvøld klokkan klokkan 20.15 spælir Breiðablik grannauppgerð í Kórinn høllini í Kópavogi móti HK.
Støðan:
| Nr. | Lið: | Dystir | V | J | T | Mál | +/- | Stig |
| 1 | Víkingur Reykjavík | 9 | 7 | 1 | 1 | 20:8 | 12 | 22 |
| 2 | Breiðablik | 9 | 6 | 1 | 2 | 22:12 | 10 | 19 |
| 3 | Valur | 9 | 5 | 3 | 1 | 18:9 | 9 | 18 |
| 4 | Stjarnan | 9 | 4 | 1 | 4 | 15:14 | 1 | 13 |
| 5 | FH | 8 | 4 | 1 | 3 | 13:13 | 0 | 13 |
| 6 | Fram | 8 | 3 | 3 | 2 | 9:9 | 0 | 12 |
| 7 | KR | 8 | 3 | 2 | 3 | 15:14 | 1 | 11 |
| 8 | Akranes | 8 | 3 | 1 | 4 | 15:11 | 4 | 10 |
| 9 | HK | 8 | 2 | 1 | 5 | 8:15 | -7 | 7 |
| 10 | Vestri | 8 | 2 | 1 | 5 | 7:18 | -11 | 7 |
| 11 | KA | 8 | 1 | 2 | 5 | 11:20 | -9 | 5 |
| 12 | Fylkir | 8 | 1 | 1 | 6 | 10:20 | -10 | 4 |
