Hann livir við einari fótleinkju. Hann hevur mist pápan og eftir eina ferðsluvanlukku, gjørdist Kale sera óður og fór at gera ónáðir. Hann hevur nú ein dóm fyri harðskap hangandi yvur høvdið. Mamman hevur ikki longur ráð til at Kale ger alt sum hann vil, so eftir er bert at hyggja út gjøgnum vindeyga.
Hann fer undir at egleiða grannarnar og skjótt sær hann, at alt er ikki sum tað eigur. Hann fær illgruna um, at ein av grannunum er mordari. Við eitt gerðst ”suburbia” til ”disturbia” og Kale.
Eitt tað besta við at hyggja eftir grannunum, er grannagentan Ashley. Vinurin hjá Kale og Ashley fara undir at kannað ein av grannunum, Mr. Turner. Hesin halda tey er ein sum drepur fólk.
Fólk sum egleiða onnur
Filmsøgan er stúgvandi full av slíkum filmum, har onkur egleiðir ein annan gjøgnum vindeyga. Nakrir av teimum bestu er Antonionisa Blow Up, Michael Powellsa
Peeping Tom, Hitchcocksa Rear Window, Coppolasa The Conversation og aðrir. Hesin filmurin er so ein um modernaðar talgyldar ”YouTube” og MySpace” tannáringar.
Disturbia er ikki ein serliga góður filmur, søgan er alt og tunn. Onkunsvegna er hann tó verdur at síggja.
3 stjørnur av 6
Leikandi:
Kale.......................................................Shia LaBeouf
Mr. Turner..............................................David Morse
Ashley..................................................Sarah Roemer
Julie...............................................Carrie-Anne Moss
Ronnie....................................................... Aaron Yoo
Leikstjóri D.J. Caruso. Framførdur í Havnar Bio frá 24. august. 105 minuttir.
