Tølini siga, at tað kann roknast við nógvum málum, tá ið ÍF seinnapartin fær vitjan av AB.
AB í bestu deildini var fyrstu ferð í Fuglafirði í 2009. Tá vann ÍF 3-0. Síðani hava ÍF og AB dystast tíggju ferðir í Fløtugerði. ÍF hevur vunnið seks ferðir, tvær ferðir er tað endað við javnleiki, og tvær ferðir hevur AB vunnið.
Í fjør vann AB 5-4.
Í hesum tíggju dystunum eru 45 mál skorað. Tað vil siga, at miðal máltalið er 4,5.
Skaðalistin hevur verið langur í Fuglafirði, men nú er bara vongverjin Pól Jákup Lundsbjerg á honum.
Týskvøldið vann ÍF 2-1 á heimavølli ímóti EB/Streymi. Hetta var annar sigurin hjá ÍF, sum hevur seks stig.
Á Argjum eru Rógvi Poulsen og Hans Jákup Anfinnsson skaddir.
AB hevur tvey stig og bíðar framvegis eftir fyrsta sigrinum. 2. hvítusunnudag løgdu argjamenn rygg til 6-0 heimatap ímóti KÍ.
