Neistakvinnur vunnu ein tryggan 32-18 sigur á StÍF í dysti í bólki 1 í Faxe Kondi steypakappingini, sum var spældur inni á Skála í kvøld. Í steðginum var Neistin á odda 19-6. Eitt skiftið i seinna hálvleiki vóru neistakvinnur 18 mál frammanfyri.
TRÝST á PÍLIN undir MYNDINI, og hoyr Marjuna Danberg taka samanum trygga sigurin á StÍF.
Ætlanin hjá Neistanum at drepa dystin tíðliga eydnaðist til fulnar, og setningurin var stórt sæð greiddur í fyrra hálvleiki.
Nú ætla neistakvinnur at vinna bólkafinaluna ímóti VÍF á heimavølli komandi sunnudag fyri at halda góðu gongdini. Bæði liðini eru víðari, og StÍF er úti.
