Svenski blaðteknarin Lars Vilks, sum millum annað hevur teknað fleiri tekningar av Muhammed profeti, fekk eina drápshóttan í gjár. Svenskir fjølmiðlar skriva, at ein maður ringdi til Lars Vilks og spurdi, um hann visti, hvat var hent danska blaðteknaranum Kurt Westergaard.
Tá Lars Vilks svaraði játtandi, segði maðurin í telefonini, at svenski teknarin stóð næstur á listanum, og at hann fór at fáa vitjan.
Ein kanning hjá svensku løgregluni staðfesti, at maðurin, sum ringdi til Lars Vilks, ringdi úr Somalia. Tað skrivar Aftonbladet.
