Í morgun boðaði svenski forsætisráðharrin frá, at stjórnin leggur frá sær, men at val ikki verður skrivað út.
Harvið skulu teir 349 limirnir í Ríkisdegnum royna at skipa eina nýggja stjórn.
Svenska stjórnarkreppan byrjaði á seinasta vali í 2018. Lesið um gongdina her:
* 9. september 2018: Ríkisdagsvalið gevur ongan meiriluta, sum vil samstarva um at skipa stjórn.
* 11. januar 2019: Eftir samráðingar í fleiri mánaðir upplýsir formaður Javnaðarfloksins, Stefan Löven, at hann samana við Centerpariet, Liberalerna og Miljöpartiet er vorðin samdir um eitt stjórnargrundarlag við 73 punktum, sum gera Löven til forsætisráðharra.
Bæði Centerpartiet og Liberalerna peika annar í sambandi við valið upp á borgarliga forsætisráðharravalevni, Ulf Kristersson úr Moderaterna, sum landsins leiðiara. Men flokkarinir vilja ikki, at Sverigesdemokraterna skulu hava ávirkan.
Teir fýra flokkarnir handan stjórnargrundarlagið hava ikki meiriluta. Teimum tørvar at vinstralokkin Vänsterpartiet ikki atkvøður ímóti stjórnini í Ríkisdegnum.
* 16. januar 2019: Táverandi leiðarin í Vänsterpartiet, Jonas Sjöstedt, sigur á fyrsta sinni, at flokkuin ikki kann góðtaka eitt punkt í stjórnargrundarlagnum um at seta húsaleiguna fyri nýgging fría.
* 15. juni 2021: Vänsterpartiet gevur stjórnini 48 tímar til at taka uppskotið aftur um at seta húsaleiguna fría.
* 17. juni 2021: Stjórnin stendur við sítt, og Vänsterpartiet boðað frá, at tey ikki longur hava álit á stjórnini.
* 21. juni 2021: Stjórnin tapir eina misálitisatkvøðugreiðslu í Ríkisdegnum við 181 atkvøðum ímóti 198. 51 atkvøða ikki, og 8 eru ikki til staðar.
Stefan Löfven hevur eina viku at útvega sær nýggjan meiriluta ella at skriva út val.
* 23. juni 2021: Centerpartiet gevur upp kravið um fría húsaleigu í nýbygging og góðtekur at nágreina avtaluna frá januar 2019.
* 24. juni 2021: Liberalerna vilja ikki nágreina stjórnargrundarlagið, men vil í staðin fara eftir eini borgarligari stjórn.
* 26. juni 2021: Centerpartiet vísir frá sær eini roynd hjá Moderaterna at nærkast vísandi til, at Moderaterna samstarvar við Sverigedemokraterna.
* 27. juni 2021: Vänsterpartiet sleppur kravi í eini komandi fíggjarlógaravtalu í vón um at koma til semju við Centerpartiet.
* 27. juni 2021: Centerpartiet vísir frá sær Vänsterpartiet og boðar frá, at tey fara eftir samstarvi tvørtur um miðuna.
* 28. juni 2021: Freistin hjá Löfven gongur út, og hann boðar frá, at stjórnin leggur frá sær, og at samráðingar vera um nýtt stjórnargrundarlagi. Til nýggj stjórn er skipað, heldur stjórnin fram sum starvsstjórn.
Kelda: Det svenske nyhedsbureau TT.
/ritzau/
