FSF gjørdi í gjár av, at næstsíðsta umfarið skal avgreiðast leygardagin og ikki sunnudagin, og harvið verða bæði tey seinastu umførini í bestu fótbóltsdeildini spæld leygardag.
Tað verður eingin sunnudagsdystur í fótbólti aftrat í 2012. Tað er greitt, eftir at FSF í gjár gjørdi av, at 26. og næstsíðsta umfarið í bestu deildini skal avgreiðast leygardagin og ikki sunnudagin. Síðsta umfarið er í skránni ásett at vera leygardagin 6. oktober.
Orsøkin, til at teir fimm dystirnir eru fluttir frá sunnudegnum og til leygardagin, er, at hann sigur frá røttuliga ólagaligum veðri næstu dagarnar. Serliga ófantaligt verður roknað við, at veðrið verður sunnudagin. Tí eru dystirnir fluttir fram til leygardagin, tá ið fyrsta bríkslið í øllum fimm støðunum verður klokkan 16.00.
Teir fimm dystirnir eru Víkingur-KÍ, NSÍ-B36, B68-EB/Streymur, HB-TB og FC Suðuroy-ÍF.
Leygardagin 6. oktober klokkan 15.00 verður síðsta umfarið, og tá eru dystirnir hesir: KÍ-FC Suðuroy, ÍF-HB, EB/Streymur-NSÍ, B36-Víkingur og TB-B68.
