Sjálvt um kvøldini gerast ljósari við summartíð, so broytir tað ikki longur streymnýsluna hjá einum miðalhúski.
Tað skrivar DR sambært Ritzau.
Í dag er summartíð, og í nátt hava vit flutt klokkuna ein tíma fram. Men tað er trupult at síggja, hvussu nógv vit í veruleikanum spara av teirri ørsk, siga orkufeløg.
Tá summartíðin varð sett í gildi í 1980 var tað millum annað fyri at gera okkum dælt av ljósu summarkvøldunum og at spara streymnýtslu.
Men í dag er sparingin hjá einum miðalhúski millum 0 og 20 krónur um árið, er metingin.
– Miðalhúskið brúkar minni orku til ljós, tí vit hava fingið nógv effektivari ljóskeldur so sum orkusparandi perur og LED-ljós, sigur Jacob Møller, stjóri í vesturjútska elfelanum RAH við DR P4 Midt & Vest.
Fyri eini tveimum árum síðani spardi miðalhúskið framvegis 90-100 krónur um árið upp á summartíð, men soleiðis er tað ikki longur.
– So nógv spara vit als ikki longur, sigur hann.
– Fyri trimum árum síðani vóru fá, sum kendu LED-ljós, men í dag hava øll húsarhald tað sum ljóskeldu. Eg giti, at vit tosa um pluss/minus 10-20 krónur um árið fyri eitt miðalhúski.
Síðani kemur, at nýtslan av tí, sum veruliga brúkar streym í einum húsarhaldi – matgerð og klædnavask – ikki broytst fyri tað, um vit flyta klokkuna ein tíma fram.
– Um vit fáa ein tíma meira ljós um kvøldið, so fáa vit tað eisini ein tíma seinni um morgunin, so tað flytur seg bara, sigur Inge Borggaard, sum er stjóri í Energi Viborg Strøm við DR P4.
– Vit gera tað sama í heimunum, so vit halda ikki, at tað merkir nakra sparing fyri brúkaran.
