- Tað er stuttligt at syngja fyri so nógvum fólki.
Soleiðis tók Hanus G. Johansen til, tá hann hevði sungið fyrsta sangin á pallinum á flakavirkinum á Sandi í kvøld.
Og her vóru eisini nógv fólk, bæði menn, kvinnur og børn.
Tiltakið við Hanusi G. Johansen var beint eftir, at Marine Harvest í tveir tímar hevði bjóðað leskiligar smakkiroyndir úr laksi.
Hanus sang í somu hølum á flakavirkinum, sum smakkiroyndirnar vóru - og beint inn av hølunum, har børnini høvdu hugnað sær í hoppiborg.
Longu, tá Hanus G. Johansen fór á pallin, var nógv fólk í hølunum, og tað var neyvan nakar, ið fór útaftur, meðan frálíki fólkasangarin var á pallinum millum klokkan 18 og 19 í kvøld.
