Mette Frederiksen, forsætisráðfrú í Danmark, skal í morgin hitta fleiri stjórnarleiðarar í franska høvuðsstaðnum París.
Har skulu tey tosa um kríggið í Ukraina.
Tað váttar forsætismálaráðið fyri Ritzau.
Vertur fyri ráðstevnuni, sum verður í Elysée slottinum í París, er franski forsetin, Emmanuel Macron, upplýsir franska forsetaskrivstovan fyri tíðindastovuni AFP.
Sambært forsetaskrivstovuni verða minst 20 ríkis- og stjórnarleiðarar við.
Teirra millum eru um framt Danmark millum annað týski samveldiskanslarin, Olaf Scholz og pólski forsetin Andrzej Duda.
Á fundinum hava luttakararnir møguelikan at »endurvátta samanhaldið«, upplýsir forsetaskrivstovan.
Harumframt verður ráðstevnan høvi til, at ríkis- og stjórnarlieðararnir aftur vátta, at teir eru fast avgjørdir, at »vinna álopskríggið, sum Russlandi førir«.
Tað verður ukrainski forsetin, Volodymyr Zelenskyj, sum setir stevnuna. Hann skal halda røðu via eitt videosamband.
Nakrir statir verða ikki umboðaðir við stjóra- ella ríkisleiðarum, men av øðrum ráðharrum. Eitt nú verður Bretland umboðað av uttanríkisráðharranum, David Cameron.
USA og Kanada verða umboðað við høgum diplomatum.
Sambært franska forsetaskrivstovuni skulu luttakararnir á fundinum »kanna allar hættir, teir kunnu stuðla Ukraina effektivt«.
Ráðstevnan verður tveir dagar eftir tvey ára dagin fyri russisku innrásina.
Tað er breið semja í Vesturheiminum um, at Ukraina er trýst í krígnum millum annað tí, at lóður og vápn mangla.
Síðani kríggið byrjaði hava tey sameindu hjá Ukraina annars veitt landinum umfatandi hernaðar og búskaparligan stuðul.
Ein embætismaður úr fronsku forsetaskrivstovuni sigur við AFP, at fundurin skal mótprógva einhvørja »fatan av, at alt dettur sundur« eftir at Ukraina hevur havt fleiri afturstig á vígvøllinum.
– Vit senda her eini greið boð til Putin um, at hann ikki vinnur í Ukraina, sigur embætismaðurin, sum ikki vil verða nevndur, við AFP.
Fyri Macron er ráðstevnan eitt týðandi høvi at vísa, at Evropa í vaksandi mun kann stuðla Ukraina sjálvt og uttan at verða stuðlað av amerikanarum.
Tað er eisini ivi um viljan hjá USA at stuðla Ukraina í framtíðini, eftir at republikanararnir í Kongressini hava forða fyri góðkenning av umfatandi hjálparpakka til Ukraina.
Harumframt er óvist, í hvønn mun USA vil hjálpa Ukraina, um republikanarin Donald Trump vinnur forsetavalið í november.
/ritzau/
