Í Klaksvík fegnast tey í kvøld um, at Stjørnan hevur vunnið bronsuheiðursmerkini í SMS-deildini aftaná ein sera minniligan bronsudyst móti Kyndli.
Stjørnan vann 42-41 á Kyndli aftaná 2 x 5 minuttir longda leiktíð, og brotskastskapping.
Aftaná vanliga leiktíð stóð á jøvnum 33-33. Í steðginum var eisini javnleikur. 20-20 var støðan í steðginum.
Í longdu leiktíðini javnaði Bára Krossteig Hansen til 36-36 tá bert tvey sekund vóru eftir, og so mátti liðini í holt við brotskastkapping.
Tað kravdi átta brotskøst frá hvørjum liði áðrenn vinnarin var funnin. Tóra Eliasen skoraði til 42-41 og beint aftaná brendi Brá Reginsdóttir, og so kundu leikararnir hjá Stjørnuni stórfegnast um bronsuna.
Kyndil fær einki heiðursmerki í SMS-deildini, men tær vunnu steypakappingina.
Kyndil-Stjørnan 41-42 (36-36 - 33-33 - 20-20) HER sæst dómaraseðilin frá HSF:
##med2##
HER sæst gongdin í brotskastskappingini:
##med3##
