Stjarnan við Natasju Hammer og Inga Mariu Roysdóttir á liðnum bjargaði sær undan beinleiðis niðurflyting til næstbestu íslendsku hondbóltsdeildina.
Tað gjørdi Stjarnan við at knógva javnleik 26-26 á útivølli móti Haukum, har Inga Maria skoraði seinasta málið í dystinum.
Natasja skoraði níggju mál og Inga Maria skoraði fýra mál, so føroysku leikararnir stóðu fyri helvtina av málunum.
Samstundis lagaði tað seg so væl, at kappingarneytarnir hjá Stjørnuni, Selfoss tapti stórt 20-33 (11-21) fyri ÍR á útivølli.
Stjarnan endaði næstaftast í deildini við sjey stigum. Selfoss endaði aftast við seks stigum, og má tí tungu leiðina niður í næstbestu deildina.
