Tá FCK í gjár spældi á útivølli móti Silkeborg, gjørdist FCK áleyparin, Andreas Cornelius álvarsliga skaddur í fyrra hálvleiki.
Les eisini: Cornelius álvarsliga skaddur
Í dag er greitt, hvussu leingi Andreas Cornelius skal binda frið frá fótbólti.
Læknin hjá FCK, Morten Boesen, sigur við heimasíðuna hjá FCK.
- Andreas Cornelius má í øllum førum taka ein steðg frá fótbólti í eitt hálvt ár. Hann hevur brotið fótin, og hevur fingið skaða í liðbondini.
- Tá talan er um opið brot, so verður Cornelius innlagdur nakrar dagar afturat, og síðani skal hann bíða, til skaðin lekist, og síðani skal hann í gongd aftur við eina langa uppvenjing av skaðanum.
Brandur H. Olsen og sínir liðfelagar í FCK, mugu tí vera álopsprofilin fyri uttan, tað sum eftir er av hesum kappingarárinum. Harafturat er greitt, at Andreas Cornelius ikki sleppur við Danmark, tá EM fyri U-21 landslið í summar verður spælt.
