Ítróttur
Kvinnuhondbóltsliðið hjá VB vann leygardagin steypafinaluna í spennandi dysti ímóti VÍF í høllini á Hálsi í Havn. Tá liðið kom til Vágs nakað eftir klokan 23 leygarkvøldið, var stór móttøka. Fýrverk varð skotið og í VB húsinum var móttøka. Lagið var gott og viðhaldsfólk høvdu skipað fyri, so smurt breyð var at fáa og liðið varð heiðrað við lukkuynskjum, blómum og røðum.
Í róminum kom fram, at tað ikki er ein fremmand hugsan hjá VB leikarum og fyriskiparum, at føroyameistaraheitið eisini skal til Vágs.
Eftir móttøkuna var dansur.
