Talan er um Hovinhøgda skúlan í Fetsund, sum í gjár - hósdagin - sendi sínar næmingar til hús. Norskir miðlar skriva, at barnaskúlin er stongdur, tí ein riva er komin í ein skráa aftan fyri skúlan.
- Um nýggjársleitið fingu vit eina fráboðan um, at ein riva var komin í skráningin, og sagt varð eisini, at ovasta jarðarlagið hevði flutt seg nakað. Eisini varð sagt, at onkur trø í lendinum vóru farin at hella.
Tað sigur ein av kommunustjórunum í Lillestrøm kommunu, Vidar Almsten, við Tv2.no.
Kommunan setti seg í samband við ráðgevingafelagið Norconsult, sum hevur kunnleika til jarðfrøði, og tey vóru skjót á staðnum. - Tey ráddu okkum í fyrstu syfti til at steingja økið av, sigur Vidar Almsten.
Tað eru bert vikur síðan, at níggju íbúðarhús og fleiri bilhús endaðu í einum stórum leirskriðulopi í Gjerdrum kommunu, har tilsamans 10 fólk lótu lív, og eini 1000 fólk vórðu flutt burtur úr íbúðarøkinum.
Á sínum netsíðum skrivar Lillestrøm kommuna, at skúlin helst verður stongdur allan henda mánaðin, og at hann vónandi kann lata upp aftur sum vanligt frá mánadegnum, 1. februar.
##med2##
