70 prosent av fólkinum í Kalifornia vænta, at ein harður jarðskjálvti fer at raka statin, men bara 20 prosent halda, at tey eru nóg væl fyrireikað til ein slíkan skjálvta.
Eingin veit, nær ein møguligur harður jarðskjálvti verður í Kalifornia, men tey flestu vænta ein harðan skjálvta um ikki so langa tíð. Umleið helmingurin av fólkinum halda, at myndugleikarnir eru nóg væl fyrireikaðir, so teir verða førir fyri at veita ta neyðugu hjálpina.
Hinvegin halda nógv tey flestu, at brýr og stórir bygningar í Kalifornia tola ein harðan jarðskjálvta, tí tey hava álit á teimum krøvunum, sum myndugleikarnir seta til slíka bygging, skrivar AP.
