Við óvæntaða javnleikinum á útivølli móti Tjaldrinum í skjáttuni, varð væntað, at botnliðið StÍF fór helst at standa VÍF kurl í Vestmanna í gjár.
Tær gjørdu tær ikki. Og tað langt frá.
VÍF, sum er næstniðast, vann 25-16. Hálvleiksstøðan var 13-7.
Kvinnurnar úr Vestmanna vunnu sær eina trygga leiðslu beinanvegin, og so var mótbrekkan tung hjá StÍF.
VÍF hevur nú fýra stig, sum eru vunnin móti StÍF.
Liljan Djurhuus og Torgunn Johansen vóru toppskjúttar hjá VÍF við fimm málum.
Rebekka Justinussen, StÍF, var toppskjútti við seks málum.
