Meginparturin av inntøkuni frá søluni hjá Tutl kemur í dag frá talgilda tónleikamarknaðinum. Serliga er tað frá svensku stroymingstænastuni, Spotify, har næstan helvtin av inntøkuni kemur frá.
Vikuskiftis-Sosialurin hevur fingið innlit í hagtølini, og størsti marknaðurin hjá Tutl er USA. Heili 200.005 stroymingar komu frá USA seinastu 30 dagarnar, har sølan var áljóðandi 291 løg og 120 fløgur. Hetta er tilsamans 29,42% av søluni hjá TUTL seinastu 30 dagarnar. Hóast Danmark og Føroyar stroyma nakað meira, so keypa amerikanarar nógv fleiri fløgur og løg.
Hesi londini stroyma mest (17. sep - 17. okt):
Danmark/Føroyar: 279.602 stroymingar
USA: 200.005 stroymingar
Týskland: 86.724 stroymingar
Svøríki: 51.828 stroymingar
Norra: 44.071 stroymingar
Pólland: 43.886 stroymingar
Í Vikuskiftis-Sosialinum kanst tú lesa nógv meira um talgildu menningina í tónleikavinnuni, har fleiri hagtøl eru og prát við Tutl og onnur í føroyska tónleikaheiminum.
